Kattenpraat in streektaal

[Nelly]

Wulder aode jaeren elee katten. Jao, nie aomè tehelieke, ô. Bî je besukerd, vees te vee waark. ’t Is wè maklijker as onden, want dae mô je ok mee gae loape. Â je weg wîl mô je aoltied dienke oe of je ’t zâ doe. In wulder gienge toe vee op vekansie, minstes drie weken varre wegt. Gelokkig kon onze dochter dan vô ’t beêst zurhe.


Zô konde m’n ze mit ’n gerust arte achterlaete. Nae ’n lange vekansie kwaeme m’n mit de auto op ’t achterpad anrieje bie de garage in toe kwam Jasper trek anrenne. Ie kende ’t geluud van d’auto. Jasper was dudelijk blie in dat laet ’n katte toch nie zô gauw maarke. Wat ’n eêl goed wist, was oe of je ’n deure most opemaeke. Want dat aod’n ons dikkels zie doe. Neffen de terrasdeure stieng ’n bank. As ’n nae binne wou, gieng ’n op de oahere kant van de bank zitte in rammelde an de krikke van de deure. Ie was nie staark genocht om de krikke nae benee te douwen. Dust zaalf kon ’n nie nae binne komme. De dochter die nog op Renisse woont, ei sint kort ok wî ’n katte. Die weet ’t beter as Jasper. Ie spriengt van de grond of naer de krikke in somtieds kan ’n dan zô de deure opekriehe.

Ik dienke dat julder zaalf zukke diengen ok wè ’s mee’emaekt è, want onze uusdieren bin vee slimmer as vee maansen wete. Onze Jasper ao nie zô’n makkelijk leven. Ie kreeg ’n kankerhezwel in eên van z’n poôten. De dieredokter zei dat ’t mâ ’t beste was om die poôt d’r of t’aelen. Dat è m’n laete doe. Toe dat wulder de katte nae de operaosie konde op’aele was ’n nog verdoafd. De assistente zei: as ’n biekomt mô j’n mâ ’s lekker verwenne. Noe, dat viel nog agheêl nie mee, want toe dat Jasper uut z’n verdoavieng kwam is ’n zô geschrokke, dat ’n achter de kachel in de biekeuken is gekrope in wulder konde ’t beêsje nie te pakken kriehe. Pas toe dat ’n zaalf eêl zielig nae vore kwam konde m’n wat an dat verwennen gae doe. ’t Is wonderbaerlijk oe of ’n laeter mit drie poôten kon sprienge.

An de misère was nog gin aande gekomme. Tiedens eên van onze vekansies aode m’n Jasper nae ’t dierenasiel ebrocht. Bie ’t op’aelen wier d’r ezeid dat ’n zôvee most drienke. Jao, in toe bleek dat ’n sukerziekte ao. Daer is ’n ok an gesturve. Noe mot ik d‘r an dienke, dat in mien jeugd in ’n groôte stad wulder tuus neffen ’n katte ok eêl lank ’n witte kees’ond aode. Dae waere m’n aomè gek op. Dien ond kreeg ’n vurm van astma in most “of’emaekt” ore. Zô wier dat in dien tied daer ezeid. Moe gieng d’r mee naer ’t abbetwaar in most ’t beêsje zaalf in ’n gaskotje zette. Mit dat ver’ael kwam ze tuus in toe zaete m’n aomè om de taefel te brullen. ’n Droevig ver’ael deze keer, mâ waer gebeurd.

J
PZC gebruikt je persoonsgegevens om deze reactie te kunnen plaatsen. Meer informatie vind je in ons privacy statement

[Nelly]

Goed dat ik eraan word herinnerd, Kattenpraat is een artikel uit de PZC-online

[eller]

15 jaar was ze pas toen de engel Gabriël aan Maria vertelde dat ze zwanger zou worden.

Zó lang duurt dat misbruik in de kerk dus al......

(Herman Finkers)

[Nelly]

Dat is ook een schone, die Finkers!

[Meow]

Omdat Bas de laatste week weer wat bedlegerig is
heb ik een beetje geknutseld met hobbyklei.
Zie onder knutsels.